ՊՍԺ-ն կարծում է, որ կարող է համոզել Մբապեին

07.02.2022

2957 0

ՊՍԺ-ն առաջվա պես ֆրանսիացի հարձակվող Կիլիան Մբապեին համոզում է նոր պայմանագիր կնքել ակումբի հետ։

Ամռանը 23-ամյա ֆուտբոլիստի հետ կնքած պայմանագիրը լրանում է և նա դառնում է ազատ գործակալ։ «Լիլի» դեմ խաղից հետո (5-1), նախօրեին, նա հայտարարել է, որ դեռ որոշում չի կայացրել ապագայի վերաբերյալ։

ՊՍԺ-ի ներկայացուցիչները շարունակում են բանակցություններ վարել հարձակվողի ու նրա շրջապատի հետ։

Ակումբում կարծում են, որ Մբապեին կարելի է համոզել։ Նա կարող է դառնալ ամենաբարձր վարձատրվող ֆուտբոլիստը, եթե համաձայնվի գործարքին։

Ֆրանսիացի հարձակվողի տրանսֆերի հիմնական թեկնածուն «Ռեալն» է։ «Արքայական» ակումբը պատրաստ է ռեկորդային՝ տարեկան 50 մլն եվրո աշխատավարձ վճարել։