Realmadrid.am-ը ներկայացնում է ֆուտբոլիստների, որոնք ժամանակին առաջարկ են ունեցել թե՛ Մադրիդի «Ռեալից», թե՛ «Բարսելոնայից», սակայն ընտրել են «Արքայական ակումբը»:

Կրիշտիանու Ռոնալդու

«Բարսելոնայի» նախկին տնօրեն Չիկի Բեգիրիստայնը բանակցել է Ռոնալդուի հետ, կատալոնական ակումբ տեղափոխվելու խորհուրդ է տվել նաև Ալեքս Ֆերգյուսոնը, սակայն Եվրոպայի չեմպիոնն ընտրել է «Ռեալը»:

Կարիմ Բենզեմա

«Ռեալի» լեգենդը կարող էր հայտնվել «Բարսելոնայում»: Մադրիդյան գրանդի նախագահը անձամբ էր ժամանել Լիոն ու ձևակերպել տրանսֆերը, մինչդեռ կատալոնացիները կարծում էին, թե ֆուտբոլիստն ինքը պետք է նախաձեռնություն ցուցաբերի:

Վինիսիուս Ժունիոր

Վինիի ընտրությունը հստակ էր ու առանց կասկածների:

Խաբի Ալոնսո

Խաբին կարող էր հայտնվել «Բարսելոնայում», սակայն կատալոնացիները երկրորդ թիմից կանչեցին Բուսկետսին, իսկ «Ռեալը» չկորցրեց պահը:

Մեսութ Օզիլ

Գերմանացին շատ է ուզեցել տեղափոխվել «Բարսելոնա», սակայն վատ ընդունելության է արժանացել: Նրա հետ չի շփվել Պեպ Գվարդիոլան: Աշխարհի չեմպիոնը նեղացել է ու տեղափոխվել «Ռեալ»:

Դի Մարիա

Արգենտինացին 3 անգամ մերժել է «Բարսելոնային», իսկ «Ռեալում» փայլուն ելույթներ է ունեցել՝ 2014 թվականին ճանաչվելով Չեմպիոնների լիգայի հաղթական եզրափակիչի լավագույն ֆուտբոլիստ:

Դևիդ Բեքհեմ

Ժամանակին Բեքհեմը կարող էր հայտնվել «Բարսելոնայում», սակայն ընտրեց «Ռեալը», իսկ կատալոնացիները՝ Ռոնալդինյոյին:

Սերխիո Ռամոս

Լեգենդար իսպանացու տրանսֆերի համար պայքարել են «Ռեալն» ու «Բարսելոնան»: Սերխիոն, տեղափոխվելով Մադրիդ, հայտարարել էր, որ մայրաքաղաքային ակումբի փիլիսոփայությունն ավելի հոգեհարազատ է իրեն:

Արդա Գյուլեր

Ամենաթարմ դեպքը. թուրք ֆուտբոլիստը երկար տատանվելուց հետո ընտրեց «Ռեալը»:

Fanat, Realmadrid.am