Էնդրիկը ձմռանը կարող է հայտնվել Ֆրանսիայում։ 

Ֆաբրիցիո Ռոմանոյի տեղեկացմամբ, «Լիոնը» պաշտոնական առաջարկ է կատարել Մադրիդի «Ռեալին»՝ ձմռանը բրազիլացի ֆուտբոլիստին վարձակալելու համար։ Կողմերը սկսել են բանակցությունները։

«Լիոնն» արդեն իսկ ներկայացրել է իր ծրագիրը ֆուտբոլիստին։ Սպասվում է, որ վարձակալությունը կտևի մինչ 2026 թվականի հունիսը։ 

Էնդրիկը դեռ կդիտարկի իր բոլոր տարբերակները հաջորդ ամսվա ընթացքում, սակայն նշվում է, որ այս պահին «Լիոնի» տարբերակը իդեալական է համարում ձմռան համար։ 

Ընթացիկ մրցաշրջանում 19-ամյա ֆուտբոլիստը դեռևս խաղաժամանակ չի ստացել «Ռեալի» կազմում։

Los Merengues, Realmadrid.am