Հոդվածներ

«Ատալանտա» - «Ռեալ»՝ 0-1. Մենդիի հրաշալի գոլը հաղթական էր
24.02.2021
2549 0

Չեմպիոնների լիգայի 1/8 եզրափակիչի շրջանակում Բերգամոյում կայացավ առաջին հանդիպումն «Ատալանտայի» ու Մադրիդի «Ռեալի» միջև:

Խաղի մեկնարկից կարճ ժամանակ անց՝ 17-րդ րոպեին, խաղադաշտից ուղիղ կարմիր քարտով հեռացվեց «Ատալանտայի» ֆուտբոլիստ Ֆրոյլերը: Այդ պահից ի վեր՝ «Արքայական ակումբն» ուներ խաղային տոտալ առավելություն:

Առաջին խաղակեսում, սակայն, «Ռեալին» չհաջողվեց առավելությունը գոլի վերածել՝ 0-0:

Երկրորդ կեսում «Ռեալը» շարունակեց տիրել գնդակին: Ունենալով տարածքային մեծ առավելություն՝ «Ռեալը» չէր կարողանում մինչև խաղավարտը գտնել իտալական ակումբի դարպասի բանալին:

Խաղավերջում թիմին օգնության հասավ պաշտպան Ֆեռլան Մենդին, որը որոշեց հեռահար հարվածով անակնկալի բերել մրցակցի դարպասապահին, որն ի զորու չէր ետ մղելու ֆրանսիացու հրաշալի հարվածը:

«Ռեալը» հաղթանակ տոնեց արտագնա խաղում ու շահեկան դիրք զբաղեցրեց մարտի 17-ին կայանալիք պատասխան խաղից առաջ:

Չեմպիոնների լիգա, 1/8 եզրափակիչ, 1-ին հանդիպում

«Ատալանտա» 0-1 «Ռեալ Մադրիդ»

Գոլը՝ Ֆեռլան Մենդի 86՛


ՏԵՍԱՆՅՈՒԹ

Fenomeno, Realmadrid.am


Ամենակարդացված