Լա լիգայի 10-րդ տուրում Մադրիդի «Ռեալն» ընդունեց կատալոնական «Բարսելոնային» և հաղթեց 2-1 հաշվով:

«Արքայական ակումբից» գոլով աչքի ընկան ֆրանսիացի հարձակվող Կիլիան Մբապեն, որն ընթացիկ մրցաշրջանում գոլերի քանակը հասցրեց 16-ի, և անգլիացի կիսապաշտպան Ջուդ Բելինգհեմը: «Բարսելոնայի» միակ գոլը խփեց իսպանացի կիսապաշտպան Ֆերմին Լոպեսը:

52-րդ րոպեին Կիլիան Մբապեն կարող էր մեծացնել «Ռեալի» առավելությունը, սակայն ֆրանսիացին վրիպեց 11-մետրանոցից: 

Հիմնական ժամանակին ավելացված 10-րդ րոպեին «Բարսելոնան» մնաց 10 հոգով. երկրորդ դեղին քարտով խաղադաշտից հեռացվեց Պեդրին:

«Ռեալը» միավորների քանակը հասցրեց 27-ի և առաջին տեղում է: «Բարսելոնան» 22 միավորով երկրորդն է:

Fenomeno, Realmadrid.am