Չեմպիոնների լիգայի ընդհանուր փուլի 8–րդ տուրում Մադրիդի «Ռեալը» հյուրընկալվելիս 2։4 հաշվով պարտվեց «Բենֆիկային» և փլեյ–օֆֆ փուլի ուղեգիր նվաճելու համար կմասնակցի անցումային խաղերի

«Արքայական ակումբի» կիսապաշտպան Ֆեդե Վալվերդեի հետխաղյա հարցազրույցը

Վալվերդե. «Այսօրվա պարտությո՞ւնը։ Մեղավորը հենց մենք ենք։ Մենք լավ էինք խաղում մինչև «Բենֆիկայի» առաջին գոլը, իսկ դրանից հետո մենք թուլացանք։ «Բենֆիկան» շատ լավ էր խաղում, հիանալի էր պաշտպանվում և շատ վտանգավոր պահեր էր ստեղծում մեր դարպասի մոտ։

Մենք պետք է ինքնաքննադատ լինենք և պատասխանատվություն ստանձնենք տեղի ունեցածի համար։ Մենք չպետք է ուրիշ ոչ մեկի մեղադրենք մեր պարտության մեջ։ Հենց խաղացողները պետք է իրենց լավ դրսևորեն դաշտում, իսկ այսօր մենք չարեցինք այն, ինչ պետք է անեինք։ Մենք պետք է շարունակենք կատարելագործվել»։