Հայտնի է, թե որ դեպքում Մբապեն կերկարաձգի պայմանագրի ժամկետը ՊՍԺ-ի հետ

04.07.2021

4174 0

ՊՍԺ-ի հարձակվող Կիլիան Մբապեն ակումբի ղեկավարությանը հայտնել է, որ կհամաձայնի երկարաձգել պայմանագրի ժամկետը, սակայն մեկ պայմանով. պայմանագրում պետք է նշվի այն գումարի չափը, որի դիմաց նա կարող է տեղափոխվել «Ռեալ»՝ հաղորդում է Marca-ն։

Խնդիրն այն է, որ Ֆրանսիայի ֆուտբոլի ֆեդերացիան ակումբներին արգելում է ֆուտբոլիստների պայմանագրերում հրաժարագին նշել։ Եթե ֆուտբոլիստի ու ակումբի միջև նման պայմանավորվածություն է առկա, ապա ակումբին կարող են հեռացնել Լիգա 1-ից։

Մբապեի պայմանը բավարարելու համար մնում է միայն այն տարբերակը, որ կողմերը «ջենթլմենական» համաձայնություն կնքեն, սակայն փարիզյան ակումբը կտրականապես դեմ է այդ տարբերակին:

Ավարտված մրցաշրջանում 22-ամյա ֆուտբոլիստը դարձել է 27 գոլի ու 7 արդյունավետ փոխանցման հեղինակ։

Նախորդը

Ռամոսն ու ՊՍԺ-ն համաձայնեցրել են...

Հաջորդը

«Մանչեսթեր Սիթի» – «Ռեալ Մադրիդ»․...

Ամենակարդացված

Վերջերս ընթերցված

Լուրեր