Diario AS-ի փոխանցմամբ, Անտոնիո Ռյուդիգերին հաջողվել է «Ռեալի» կազմում իր առաջին իսկ մարզման ժամանակ տպավորել Կարլո Անչելոտիին։
Ավելի ուշ անձամբ իտալացի մասնագետը բարձր է գնահատել Ռյուդիգերի որակները։
«Նա հիանալի ֆուտբոլիստ է և կարող է խաղալ տարբեր դիրքերում». նշել է Կարլոն։
Ինչպես արդեն հայտնի է, Ռյուդիգերը Մադրիդի «Ռեալ» տեղափոխվելու մասին որոշում է կայացրել դեռ գարնանը, և նրա որոշման վրա մեծ ազդեցություն է ունեցել հենց Անչելոտիի հետ զրույցը։ Այս մասին ֆուտբոլիստը հայտարարել էր «Ռեալ» տեղափոխության ժամանակ։
Գերմանացի պաշտպանը ազատ գործակալի կարգավիճակով միացավ «Սերուցքայիններին»։ Նախորդ մրցաշրջանում նա «Չելսիի» կազմում մասնակցել է 34 հանդիպման և դարձել 3 գոլի հեղինակ։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
