Մադրիդի «Ռեալը» վստահ է, որ մրցաշրջանի ավարտից հետո թիմ կհրավիրի ՊՍԺ-ի ֆրանսիացի հարձակվող Կիլիան Մբապեին՝ հաղորդում է լրագրող Ֆաբրիցիո Ռոմանոն։
Ըստ աղբյուրի՝ մադրիդյան ակումբում հիմա «առավել քան երբևէ» վստահ են, որ սա իրականություն կդառնա։
Պաշտոնական որոշում դեռևս չկա։ Մբապեն ընտրություն է կատարում կարիերան «Ռեալում» շարունակելու և ՊՍԺ-ում մնալու միջև, որը 23-ամյա ֆուտբոլիստին առավել շահավետ պայմանագիր է առաջարկում։
Մբապեն ընթացիկ մրցաշրջանում անցկացրած 44 խաղում դարձել է 35 գոլի ու 24 գոլային փոխանցման հեղինակ։