Relevo. «Ռեալը» առաջիկա օրերին կարևոր հայտարարությամբ հանդես կգա

10.10.2023

1367 0

Relevo-ի փոխանցմամբ, առաջիկա օրերին Մադրիդի «Ռեալը» կարևոր հայտարարությամբ է հանդես գալու։ Խոսքը գնում է Վինիսիուսի նոր պայմանագրի մասին։

Մի քանի ամիս առաջ «Սերուցքայինները» նոր պայմանագրի հարցում համաձայնություն են ձեռք բերել բրազիլացու հետ, սակայն պաշտոնական հայտարարություն դեռևս չի եղել, քանի որ ակումբը սպասում է հարմար պահի։

«Սերուցքայինները» մտադիր են եղել դեռ նախորդ շաբաթ հայտարարել Վինիսիուսի նոր պայմանագրի մասին, սակայն ակումբի նախագահ Ֆլորենտինո Պերեսի՝ Քովիդի թեստը դրական արդյունք է ունեցել, ինչի պատճառով արարողությունը հետաձգվել է։ Նշվում է, որ «Ռեալը» հայտարարությամբ հանդես կգա միջազգային դադարից հետո։

Վինիսիուսի նոր պայմանագիրը նախատեսված է մինչ 2027 թվականը։ Նրա աշխատավարձը նոր պայմանագրով զգալիորեն բարձրանալու է, ինչպես նաև բարձրանալու է վերջինիս հրաժարագինը՝ 700 մլն եվրոյից դառնալով 1 մլրդ եվրո։

Los Merengues, Realmadrid.am