Չեմպիոնների լիգայի 1/8 եզրափակիչում կայացած «Ատլետիկոյի» դեմ խաղից հետո ՈՒԵՖԱ–ն որոշել է տուգանել «Ռեալի» երեք ֆուտբոլիստի, հաղորդում է AS–ը։

«Սերուցքայինների» հարձակվող Կիլիան Մբապեն տուգանվել է 30 հազար եվրոյով, պաշտպան Անտոնիո Ռյուդիգերը՝ 40 հազար եվրոյով, իսկ կիսապաշտպան Դանիել Սեբալյոսը՝ 20 հազար եվրոյով։

Նրանք մեղադրվում են մրցակցի երկրպագուներին սադրելու մեջ։ Բացի այդ, բոլորը մեկ պայմանական որակազրկում են ստացել ՈՒԵՖԱ–ի հովանու տակ անցկացվող մրցաշարերում, եթե դեպքը կրկնվի։