«Ռեալ Մադրիդի» պահեստայինների նստարանից Խաբի Ալոնսոյի հեռացումը դեռևս շարունակում է քննարկվել:

Անգլիայում՝ Չեմպիոնների լիգայի գիշերը սա ամենաարդիական թեման էր: Իրենց կարծիքն են հայտնել ֆուտբոլային հեղինակություններ Ջեյմի Քարագերը, Թիերի Անրին և Գարեթ Բեյլը:

Գարեթ Բեյլ․ «Ինձ չի զարմացնում Ալոնսոյի հեռացումը: Ես հիանալի հասկանում եմ, թե ինչպես է աշխատում «Ռեալը». եթե չկան արդյունքներ, դու դուրս ես մնում: Խաբին հիանալի մարզիչ է, բայց «Մադրիդում» պետք չէ լինել մարզիչ, այլ պետք է լինել էգոների կառավարիչ: Այնտեղ պետք չէ շատ մարտավարական աշխատանք անել, քանի որ ունես աստղեր, որոնք կարող են փոխել խաղի ընթացքը վայրկյանների ընթացքում»:

Թիերի Անրի․ «Մադրիդում» կամ «Բարսելոնայում» քեզ դատում են ոչ թե նրա համար ինչ արել ես, այլ նրա համար, ինչ չես արել: Երկրպագուները քեզ թույլ են տալիս հասկանալ, երբ դժգոհ են, անկախ քո անցյալի հաջողություններից»:

Ջեյմի Քարագեր․ «Խաբին եկավ իր հստակ գաղափարներով, բայց արագ հասկացվեց, որ նրան թույլ չեն տա մարզել այնպես, ինչպես ինքն էր ուզում: Կային խաղացողներ, որոնք պարզապես չընդունեցին նրա գաղափարները: Լավագույնն այն էր, որ նա հեռանար»: