Ջուդ Բելինգեմը հիանալի գոլ խփեց՝ «Ռեալի» 6–րդը, Վալվերդեի լավ փոխանցումից հետո: Նա հիանալի շրջանցեց դարպասապահին և գնդակն ուղարկեց դատարկ դարպասը: Սակայն այն, ինչ ոչ ոք չէր սպասում, տոնակատարությունն էր, որը պատրաստել էր անգլիացին:

Սկզբում մի ձեռքով, հետո մյուսով, իսկ հետո երկուսով, նա բազմիցս Ջուդը ցույց տվեց «խմելու» ժեստը: Բանն այն է, որ խաղացողը անտեղյակ չէ սոցցանցերում տարածվող լուրերից, ըստ որոնց՝ նա սիրում է ալկոհոլ օգտագործել («արմունկը բարձրացնել»), ինչն էլ նա արտացոլեց իր ժեստով:

Ճշմարտությունն այն է, որ անկախ նրանից, թե ինչ է խոսվում դրսում և սոցցանցերում, Բելինգեմի համար այս մրցաշրջանը ֆուտբոլային առումով այնքան էլ փայլուն չէ: Անցած շաբաթ օրը «Բեռնաբեուում» նա նույնպես լավ ժամանակներ չապրեց. նա և Վինիսիուսը դարձան հանրության զայրույթի գլխավոր թիրախները: Այսպիսով, այսօրվա խաղը, ջախջախիչ հաղթանակը և նրա վերջին գոլը լավ առիթ էին քննադատներին պատասխանելու համար:

Փաստ է նաև, որ Խաբի Ալոնսոյի օրոք Ջուդը չգտավ իր լավագույն մարզավիճակը: Տեսնենք, թե ինչպես կլինի Արբելոայի հետ: Այսօրվա դրությամբ նա ունի 6 գոլ և 4 ասիստ 24 խաղում:

Նա իր տեղը չգտավ բասկ մարզչի սխեմաներում, չնայած որ ուսի վիրահատությունից և Անչելոտիի օրոք անկայուն մրցաշրջանից հետո սպասվում էր, որ այս տարի Ջուդը կմոտենա այն մակարդակին, որով հիացրեց բոլորին իր առաջին մրցաշրջանում: Հիմա Արբելոայի առաքելությունն է վերադարձնել նրան և մրցաշրջանի վերջում տիտղոսների համար կենաց բարձրացնել:

Նա պարզաբանեց ամեն ինչ խաղից հետո․ «Իմ տոնակատարությո՞ւնը: Շատ մարդիկ շատ բաներ են ասում: Դու կարող ես կա՛մ լաց լինել, կա՛մ վայելել դա: Ես պարզապես պատասխանեցի երկրպագուների կատակին: Ես գիտեմ ճշմարտությունը»,- ասաց նա:

Նա խոսեց նաև վերջին շաբաթվա ընթացքում «Բեռնաբեուում» տիրող մթնոլորտի մասին. «Ես միշտ ասել եմ, որ երկրպագուները ամբողջ շաբաթ աշխատում են, վճարում են այստեղ գալու համար և իրավունք ունեն անել այն, ինչ ուզում են»,- պարզաբանեց նա՝ անդրադառնալով սուլոցներին:

Վերջում նա գովեստի խոսքեր շռայլեց Վինիսիուսի հասցեին, որը մասնակցեց «Մոնակոյի» դեմ խաղի վեց գոլերից չորսին. «Վինիսիուսը իսկապես դիպուկ էր: Ես երբեք չեմ կասկածում նրան: Նա այնպիսի խաղացող է, որը փայլում է, երբ սեր է ստանում: Երբ երկրպագուները նրան սեր ցույց տվեցին, նա անցավ մեկ այլ մակարդակի»: