Այս կիրակի «Ռեալ Մադրիդը» մարզում անցկացրեց «Բեռնաբեուում»՝ «Լևանտեի» դեմ տարած հաղթանակից հետո։ Ե՛վ Ռյուդիգերը, և՛ Ռոդրիգոն կրկին մարզվել են խմբից առանձին, ինչը նշանակում է, որ նրանց մասնակցությունը չորեքշաբթի օրը կայանալիք «Մոնակոյի» դեմ խաղին (ժամը 00:00-ին) դեռևս մեծ հարցականի տակ է։

«Լևանտեի» դեմ խաղը Ալվարո Արբելոայի թիմի համար նոր ֆիզիկական խնդիրներ կամ վնասվածքներ չառաջացրեց։ Շաբաթ օրվա մեկնարկային կազմի ֆուտբոլիստները մարզվել են մարզասրահում, իսկ մնացածը համատեղել են աշխատանքը մարզասրահում և խաղադաշտում։

Կորուստներ պաշտպանությունում

Բացի Ռյուդիգերի և Ռոդրիգոյի վիճակից, որոնց մասնակցության հարցը պարզ կդառնա երկուշաբթի օրվա վերջնական մարզումից հետո, «Մադրիդն» արդեն իսկ ունի հաստատված կորուստներ։ «Մոնակոյի» դեմ խաղին հաստատ չեն մասնակցի Միլիտաոն, Տրենտը (Ալեքսանդր-Առնոլդը) և Մենդին։

Հանդիպումը սպասարկելու է նորվեգացի մրցավար Էսպեն Էսկոսը։ Հատկանշական է, որ այս մրցավարի օրոք «Ռեալը» հաղթել է իր նախորդ երկու հանդիպումները։