Այսօր լրանում է «Ռեալի» 119-ամյակը: 20-րդ դարի լավագույն ակումբի պատմությունը սկսվել է 1902 թվականի մարտի 6-ին, երբ պաշտոնապես նշանակվել է ակումբի առաջին տնօրենների խորհուրդը:
Այս տարիների ընթացքում «Ռեալը» նվաճել է 23 Չեմպիոնների լիգայի գավաթ (13՝ ֆուտբոլի, 10՝ բասկետբոլի): «Արքայական» ակումբը նաև միակ թիմն է, որը Եվրոպայի չեմպիոն է դարձել և ֆուտբոլում, և բասկետբոլում միևնույն մրցաշրջանի ընթացքում:
Մադրիդիստները նվաճել են նաև 7 աշխարհի ակումբային առաջնության գավաթ, 4 Եվրոպայի սուպերգավաթ, 2 ՈՒԵՖԱ-ի գավաթ, 34 Լա լիգայի տիտղոս, 19 Իսպանիայի Արքայական գավաթ, 11 Իսպանիայի Սուպերգավաթ:
Նոր Բերնաբեուն.
Մադրիդիզմի հպարտության գլխավոր աղբյուրներից մեկը «Սանտիագո Բերնաբեու» մարզադաշտն է, որի վերակառուցման աշխատանքները բավականին առաջ են գնացել և, ամենայն հավանականությամբ, կավարտվեն 2022 թվականին: Մարզադաշտից դուրս գտնվող «Ռեալ Մադրիդ Սիթին» համարվում է ամենամեծ սպորտային կոմպլեքսն աշխարհում ու 14-ամյա պատմություն ունի:
Ակումբը նաև մասնակցում է բազմաթիվ բարեգործական ու մշակութային միջոոցառումների ամբողջ աշխարհի երկայնքով:
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
