Մադրիդի «Ռեալը» հետաքրքրված է Լևերկուզենի «Բայերի» 20–ամյա հարձակողական ոճի կիսապաշտպան Ֆլորիան Վիրցի ծառայություններով և պատրաստ է նրա համար վճարել 100 միլիոն եվրո, հաղորդում է Planeta Real Madrid–ի լրագրող Անտոնիո Գոնսալես Գալիարդոն։
Այս տրանսֆերը չի կայանա 2025–ից շուտ, քանի որ այս պահին գերմանացին ցանկանում է շարունակել ելույթները «Բայերում»։
Վիրցի տրանսֆերին հավակնում է նաև «Մանչեսթեր Սիթին», սակայն մադրիդցիներն առավելություն ունեն, քանի որ սպասվում է, որ առաջիկա տարիներին «Բայերի» ներկայիս գլխավոր մարզիչ Խաբի Ալոնսոն կգլխավորի «Արքայական ակումբը» և կհրավիրի ֆուտբոլիստին։
Ընթացիկ մրցաշրջանում Վիրցը մասնակցել է 38 խաղի, դարձել է 13 գոլի և 18 գոլային փոխանցման հեղինակ։
ՌԵԱԼ ՄԱԴՐԻԴ 
Հայերեն 
English 
